På Søre Sunnmøre finn du eit variert turtilbod, med alt frå kortreiste rusleturar og skiløyper til majestetiske Sunnmørsalpar. Opplev det unike landskapet på Runde, med fuglefjell og lundefuglar, solnedgangen langs Larsstien på Flø eller skarpe tindar i Ørsta.

Søre Sunnmøre består av øylandskap, og har fleire øyer knytt saman av utallige bruer og tunnelar. Med båt kan du farte fritt gjennom djupe fjordar og over ope hav medan du utforskar den unike skjergarden.

Vi har naturlegvis ikkje det breie kulturtilbodet ein storby kan lokke med, men vi har noko eiget som du berre finn på Søre Sunnmøre. Vi har ein unik kultur for frivilligheit som mogleggjer eit rikhaldig idrettstilbod for alle aldersgrupper. Vi har ein heilt eigen del av nynorsk kulturhistorie på Aasentunet, og eineståande historier frå ishavsfiskarar på Brandal. Kvar ein tettstad har eit kulturhus med fullspekka program som bognar av handplukka lokale og nasjonale skattar.

Det er mykje som skjer på Søre Sunnmøre heile året. Sjekk ut kulturprogramma til dei ulike kommunane og få full oversikt!