Trainee Procurement, Operations & Technology – Rem Offshore

Vil du starte karriera tett på drift, teknologi og utviklingsprosjekt i eit leiande offshorerederi?

Rem Offshore søkjer ein engasjert trainee til hovudkontoret vårt i Fosnavåg. Her får du ei unik moglegheit til å jobbe på tvers av fagmiljø og bidra både i operative oppgåver og utviklingsprosjekt innan teknisk avdeling og innkjøp.

Her får du

• moglegheit til å jobbe tett på den tekniske drifta av moderne offshorefartøy

• delta i spanande utviklings- og forbetringsprosjekt

• bli ein del av eit rederi i vekst, med nybygg og høg prosjektaktivitet

• ein dedikert mentor og tett oppfølging gjennom heile traineeperioden

Arbeidsoppgåver

Arbeidsoppgåvene blir tilpassa kompetanse og interesse, og kan blant anna vere

• å ivareta innkjøpsrolle knytt til eitt eller fleire fartøy

• å bidra i implementering av nytt innkjøpssystem

• å følgje opp avtalar, rammeavtalar og utvalde leverandørar

• å bidra i utviklings- og digitaliseringsprosjekt

• å bidra i arbeid knytt til nybygg og leveransar i traineeperioden

• å bidra i aktivitetar knytt til rekruttering, messer og utdanningsarenaer i samarbeid med mannskaps-avdelinga

Kvalifikasjonar og personlege eigenskapar

Vi ser etter deg som

• er nyutdanna med ein bachelor/master innan teknologi, økonomi eller IT-relaterte fag   

• er strukturert, lærevillig og nysgjerrig

• trivst med varierte oppgåver og samarbeid på tvers av fagmiljø

• har interesse for teknologi, drift og forbetringsarbeid

• har interesse for maritim næring og offshoreverksemd, og ønskjer å lære meir om rederidrift

Vi kan tilby

• Ein variert og spanande arbeidskvardag, der du får ta del i sentrale prosessar

• Tett oppfølging, rettleiing og reell læring i arbeidskvardagen

• Eit inkluderande og profesjonelt arbeidsmiljø

• Konkurransedyktige vilkår, med gode pensjons- og forsikringsordningar

• Noko reiseverksemd i inn‑ og utland kan forventast

• Fleksibel arbeidstid

• Moglegheit for fast stilling etter traineeperioden

Skap di draumekarriere på Søre Sunnmøre

Gjennom denne stillinga er du tilknytt Spring Trainee-programmet på Søre Sunnmøre. Vi tilbyr fagleg utvikling, sosialt samhald og erfaringsutveksling i ein framtidsretta region med rolege omgivelsar og spektakulær natur. Vi tilbyr:

• Fagleg utvikling: Gjennom fire samlingar får du fagleg og personleg utvikling, erfaringsutveksling og bedriftsbesøk. Saman legg vi eit makelaust grunnlag for ei karriere i regionen!

• Sosialt samhald: Spring arrangerer turar, fellesmiddagar og samankomstar gjennom året. Oppdag fjella, fjøra, dei gode lokalsamfunna, dugnadsånda og idrettsgleda.

• Erfaringsutveksling: Spring legg til rette for erfaringsutveksling mellom våre traineear, og er ein døropnar til faglege arenaer og nettverk i regionen. Traineeane skal dele erfaringar og rådføre kvarandre gjennom dei faglege samlingane, og får delta på arrangement og konferansar saman med andre næringslivsinteresserte i regionen.

‍

Oppstart: Etter avtale, innan 1. september

Varigheit: 1 år, med moglegheit for fast tilsetting etter traineeperioden

Søknadsfrist: 25. mai

Foto: Rem Offshore AS